माझं ना, तु सोबत असताना..
नेहमी असंच होतं..
तन तुजसवे, पण
मन थाय्रावर नसतं,
पौर्णिमेच्या रातीला,
सागराचं पाणी जसं,
चंद्र्माच्या भेटीला धावतं.!!.
माझं ना, तु सोबत असताना..
नेहमी असंच होतं..
सताड जागं असुनही,
जग दिसेनासं होणं,
तहानलेल्या हरणाचं, जसं
मृगजळामागचं पळणं..!!
माझं ना, तु सोबत असताना..
नेहमी असंच होतं..
एका मनाचं मुकं,
होऊन जाणं,
अन दुसय्राचं, त्याला डिवचणं,
वळवाच्या पावसाचं , जसं
ऋतुचक्रालाचं आव्हान देणं..!!
माझं ना, तु सोबत असताना..
नेहमी असंच होतं..
सारे विचार वेडे ठरवून,
मग, तेच मन..प्रेमधारांत माझ्या,
तुला मोरपीस फ़ुलवुन,
नाचताना पहायचयं म्हणतं..!!
माझं ना, तु सोबत असताना..
नेहमी असंच होतं..
18 December 2008
Subscribe to:
Post Comments (Atom)
No comments:
Post a Comment