खरं किती , खोटं किती,
तुझं प्रेम, माझं किती ?
विरहाचं तुझ्या,
माझ्या डोळ्यात गं पाणी,
कशी सुचतात,सांग तुला,
तरी, आनंदाची गाणी !!
खरं किती , खोटं किती,
तुझं प्रेम, माझं किती ?
तुझ्या ओठावर हसु,
अन गालावर खळी,
इथं तीळ-तीळ तुटतं,
माझं काळीज गं राणी !!
खरं किती , खोटं किती,
तुझं प्रेम, माझं किती ?
’तु नाहीस माझी’, क्षणात वाटतं,
मनी मग प्रश्नांच,
एकच काहूर माजतं,
तुझं काळीज मजसाठी,
कधी हुंदका गं देतं ?
खरं किती , खोटं किती,
तुझं प्रेम, माझं किती ?
----- संतोष
10 March 2009
Subscribe to:
Posts (Atom)