"बाप्पा ग्लोबल झालायं"...

काल गेलो मी, बाप्पाचा आशिर्वाद घ्यायला,
पहिल्यादांच पहात होतो, बाप्पाला विचारात पडलेला,
मी म्हटलं बाप्पा, काय बरं झालयं?
मन तुझं असं, कोणत्या विचारात पडलयं?

बाप्पानं मग मला, जवाब असा काही दिला,
कि हिंमत करुन मी,परत सवालच नाही केला..

काल येतानाच बघ, पुण्याच्या गर्दीला,
माझा उंदीर फ़ारच घाबरुन गेलेला..
मला म्हटला.. बाप्पा इथुनच जाऊ परत,
आपण आपल्या घरला..

ढोंगी माणसांची,गाह्राणी ऎकून,
इथं आता, माझा पण श्वास कोंडलाय,
मनानं तर माझ्या..
कधीच स्वर्गाचा रस्ता धरलायं..

असं काय करता बाप्पा..आमच्यासाठी तर..
तुम्ही ग्लोबल झालाय,बाप्पा ग्लोबल झालायं..

मंडळाच्या पोरांनी, बाप्पा तुझा...,
कधीच गुटखा-दारुवाल्यांना विकलायं,
माझ्यापेक्षा "त्या" पोस्टर चा आकारच १० पट झालायं..
काल रात्रीच,शेजारी माझ्या,
"कारभारी दमानं" गाण झालयं
अन..परंपरेच्या नावाखाली , पोरीला
आपय्रा कपड्यात नाचवलयं..

स्वातंत्र्यासाठी माझा, उत्सव सुरु झाला,
यांनी त्याचा, बघ कसा तमाशा केलायं...
अन.. तु म्हणतो बाप्पा ग्लोबल झालायं..
बाप्पा ग्लोबल झालायं ?

१० दिवस इकडे आल्यावर, मला कुण्या भक्तांन..
आई - बाबांशी बोलण्यासाठी, गेल्या वेळी १ मोबाईल दिला,
मी परत येइस्तोवर तर तुम्ही, त्याचा पण लिलाव केला,
एका नेता-भक्तान, नेत्याला "तो" भेट म्हणुन दिला,
त्यानं "तो" दान करुन ,स्टंट बघ कसा केला...
म्हातारा..बघ तो २ तासांपासून रांगेत ताटकाळलायं,
अन २ चं मिनीट झाले, १ खादीवाला माझं दर्शन घेऊन गेलायं,
तरी.. तु म्हणतो, बाप्पा ग्लोबल झालायं,
बाप्पा...ग्लोबल झालायं...

शेवटच्या दिवशी पण, उशीर होतो रे मला जायला..
पर्वाच नाही इथं, माझी कुणाला...
कारण यांना हवं असत, दारु डोसून मस्त झिंगायला..
विसरु नको पुढल्यावर्षी, दर्शनाचा माझ्या,
इंटरनेटवरुन अर्ज तु भरायला, नाहीतर..
आजएवढा पण नाही यायचा..बाप्पा तुझ्या वाट्याला..

माझ्या उत्सवाचा बघ रे, कसा बाजार मांडलाय...
तुझ्या बाप्पाच्या नावानं, यांनी धंदाच सुरु केलायं..
अन तु म्हणतो..बाप्पा ग्लोबल झालाय..
बाप्पा ग्लोबल झालाय...?

संतोष कुंडलीक....९९६००६८९४३

कधी कधी !!!

कधी कधी मनात, बरच काही असुनही,
सत्यात ते कधीच येत नसतं,
अन कधी कधी, मनात काही नसतानाही,
बरच काही घडत असतं !!
पण, प्रत्येकवेळी मन बिचारं त्याचं,
फ़क्त तिच्यासाठीच झुरत असतं..

मनात त्याच्या असुनही,
तो तिला साद देत नाही,
अन त्याने, साद दिलीच नाही,
म्हणुन तीही प्रतिसाद देत नाही,..

साद-प्रतिसादाच्या खेळातुन या,
कुणालाच काही मिळत नसतं,
पण, दोघांमधल प्रेम मात्र,
एकटच बिचारं रडत असतं .!!..

स्वप्नं पहाटेची म्हणे, सर्वांचीच
खरी होत असतात,
मग 'आपलीच' स्वप्नं अशी
धुळ खात का पडतात ?

पहाटेच सोडाच, रात्रं-दिन क्षणभरही,
डोळ्याआड तिचं, जाणं नसतं,
म्हणुनच कदाचीत,
डोळ्यांतल्या आसवांच,
मनाच्या उताराकडेच, धावणं असतं,
अन, बिचाय्रा मनाच्या नशीबी,
एकटक सगळं पहाणं असतं...

कधी कधी मनात, बरच काही असुनही,
सत्यात ते कधीच येत नसतं,
अन कधी कधी, मनात काही नसतानाही,
बरच काही घडत असतं !!
.............संतोष कुंडलीक

प्रेम कधी असतं ?

प्रेम कधी असतं, तेच कळत नाही..
प्रेम कधी नसतं, तेही कळत नाही..

फ़ार बरं झालं असतं,
जर मनालाचं, बोलता आलं असतं,
अगर ओठांनी शब्दांना,
कधीच अडवलं नसतं,
मग मन माझं,
मोकळं होऊन बोललं असतं,
अन सुत तुझं-माझं,
एकदाचं जुळलं असतं !!

पण, प्रेम कधी असतं, तेच कळत नाही..
प्रेम कधी नसतं, तेही कळत नाही..!!

सगळेचं सांगतात मला,
एकदा डोळ्यांत बघ तिच्या,
म्हणे डोळ्यांत प्रेम दिसतं,
पण यांना कुणी सांगाव,
तु समोर आल्यावर,
डोळ्यांत तुझ्या पाहण्याचं,
धॆर्यच माझ्या...डोळ्यांत नसतं,
डोळ्यांत पाहिलही असतं ग मी,
पण काय सांगाव ..
डोळ्यांत, प्रेम नसलचं तर
अन असुनही,
जर मला ते नाही दिसलं तरं?

कारण, प्रेम कधी असतं, तेच कळत नाही..
प्रेम कधी नसतं, तेही कळत नाही..!!!!

" मनाची काय काय ? "

ये काहीतरी विचारायचयं तुला, तु सांगशील ना मला ?
प्रेम म्हणजे काय ? हे तुला कधी कळेल काय ?

मला समोर पाहून, गालावर तुझ्या
गुलाबाची कळी, कधी फ़ुलेल काय ?

केसात माळलेल्या, मोगय्राला तुझ्या,
माझ्या प्रेमाचा गंध, कधी येईल काय ?

तुझ्या नील-नयनांना, माझ्या डोळ्यांतल
प्रेम कधी दिसेल काय ?

गुलाबी तुझ्या ओठांवर , माझ्याच
नावाचा जप, कधी असेल काय ?

काळजात मला तुझ्या, थोडा वेळ तरी
विसावा कधी मिळेल काय ?

मुक्या मनाचं माझ्या, तुझ्याच नावानं ओरडणं,
तुझ्या मनाला, कधी ऎकू येईल काय ?

अभ्यासाचं पुस्तक सोडून, माझं
लव्ह - लेटर वाचणं , तुला कधी झेपेल काय ?

पायांतल पैजण तुझं, फ़क्त
माझ्याच कानांसाठी, नाद कधी करेल काय ?

हे सगळं वाचुन तरी तुला,
मी आय लव्ह यु म्हणतोय, हे कधी उमजेल काय ?

**********Santosh************

तु एकदाच फ़क्त, येऊन जा !!!!.

तुला इतकं का गं आवडतं,
मला छळायला,
स्वप्नात सारखं येऊन ,
झोपेचं माझ्या, खोबरं करायला...!
हे कधी कळायचं तुला,
मनही माझं थकलयं आता,
लाजणं तुझं पाहुन,
कायमच घायाळं व्हायला ...!!
मित्रानींही वेडं केलय,
सारखं तुझ्याबद्दल विचारुन मला,
मलाच "तु" कळत नाहीस, तर
त्यांना काय आहे, माझ्याकडे सांगायला ? ...!!!
तु एकदाच फ़क्त ,
येऊन जा,
जितकं छळायचं तितकं,
छळून जा,
एकट्या माझ्या मनाला,
तुझं मन देऊन जा,
"तु मला आवड्तोस",
एवढचं फ़क्त म्हणून जा,
भले वाटलं तुला तर,
माझी झोपही तुझ्याबरोबर,
घेऊन जा...
तु एकदाच फ़क्त,
येऊन जा !!!!.
.......................संतोष...

तुला खुप आवडतं ना गं,
दु:खी काव्य वाचायला,
कधीतरी शिकुन घे, तु
शब्दांमधला अर्थ उलगडायला,
मग बघ, तुला पण नाही जमायचं
डोळ्यांपासुन आसवांना अलग करायला .!!!...

!! आजपासुन ठरवलयं !!

आजपासुन ठरवलयं,
तुला कधीच नाही दुखवायचं,
वेड्या मनाला, पण सांगुन ठेवलयं,
की तु फ़क्त, मनातल्या - मनातच झुरायचं !
आजपासुन ठरवलयं,
तुला हसतानचं पहायचं,
आसवांनाही सांगुन ठेवलयं,
तुम्ही फ़क्त, डोळ्यातल्या - डोळ्यातचं वहायचं !!
आजपासुन ठरवलयं,
तुझंच बोलणं ऎकायचं,
वेडसर शब्दांनाही, सांगुन ठेवलयं,
तुम्ही सदा जिभेवरच रहायचं,
अन्‌ ओठांवर कधीच नाही यायचं !!!...

काहीएक गरज नाहीये,
तुझं, कोरडं सॉरी म्हणायची,
अगं मला सवयचं आहे, असं
एकटं -एकटं रहायची,
सुखाला दुरुनच पहायची, अन्
दु:खा ला निमुटपणे गिळायची !!!

!! बालपणात जायचयं !!

देवा मला परत बालपणात जायचयं,
आनंदाचे दोन क्षण जगून पहायचयं......
पुरणाच्या पोळीसोबत,
आईचं प्रेम होतं,
जखमेचं माझ्या,
काळजावर तिच्या व्रणं होतं
देवा मला परत बालपणात
जायचयंआनंदाचे दोन क्षण जगून पहायचयं !!१!!

शाळेत काही चुकलं तर्,
सरांची छडी होती,
’तिच्या’ समोर नाही मारलं,म्हणुन
मनात आनंदाची गुढी होती
देवा मला परत बालपणात जायचयं
आनंदाचे दोन क्षण जगून पहायचयं !!२!!

चांदण एकटक पाहण्यासाठी,
निरभ्र मोकळं आकाश होतं,
अन्‌ भरपूर खेळण्यासाठी,
उजाडं असं रान्‌ होतं
देवा मला परत बालपणात जायचयं
आनंदाचे दोन क्षण जगून पहायचयं !!३!!

बाबांच्या मारापुढे,
बत्ती माझी गुल होती,
अन्‌, आसू आईचे नकोत, म्हणुन
हास्यकळी माझी सदा फ़ुलत होती
देवा मला परत बालपणात जायचयं
आनंदाचे दोन क्षण जगून पहायचयं !!४!!

लहान भावाचं,
कायमच मागं राहणं,
अन् तो मागे का? म्हणून,
आईच मलाच दम देणं
देवा मला परत बालपणात जायचयं
आनंदाचे दोन क्षण जगून पहायचयं !!५!!

तेव्हा मला खरचं,
काही नाही कळायचं,
जसा छंदच मला,
विनाकारण भांडायच,
भांडलेल्या सर्वानाचं,
सॉरी म्हणुन यायचयं
देवा मला परत बालपणात जायचयं
आनंदाचे दोन क्षण जगून पहायचयं !!६!!

मैत्रीण तेव्हाही एक ,
चांगली भेटली होती,
पक्की मैत्री होण्याआधीच ,
’ती’ कुठे बर हरवली होती,
एकदाच तिला फ़क्त, Hi म्हणुन
सरप्राईज द्यायचयं,
निखळ तिचं हसु,
डोळ्यात साठवून घ्यायचयं
देवा मला परत बालपणात जायचयं
आनंदाचे दोन क्षण जगून पहायचयं !!७!!
------- संतोष....

!! कटाक्ष !!

सोडून मज जाताना,
अंधारात तु ठेवू नकोस,
मागे वळून पाहताना,कटाक्ष
तुझा तो टाकू नकोस !
कदाचीत, तुझ्या मागे नसेनही मी,
पण, क्षीतीजापलीकडे,
तुझीच वाट पाहत असेन मी.!!...